ലടു

ഒരു ചെറുകഥ (short story)

ഒരു ദിവസം ഫോൺ അടിച്ചു. പരിചയമില്ലാത്ത നമ്പർ.

മറുവശത്ത് ഒരു കിളിനാദം

'സർ എൻ്റെ ഭർത്താവിൻ്റെ അക്കൗണ്ടിൽ നിന്ന് പൈസ എടുക്കണം. പക്ഷേ അക്കൗണ്ട് inoperative ആണ്.'

'ഭർത്താവിനെ കൂട്ടി ആധാർ കോപിയുമായി ബാങ്കിൽ വരു'

'ഭർത്താവതിന് ഇവിടില്ല സാറേ '

അവൻ്റെ മനസ്സിൽ ലടു ചെറുതായി പൊട്ടി

'ഭർത്താവ് എവിടെ? എപ്പോ വരും?'

'ഉടനേ ഇല്ല സാറേ'

ലടു കുറച്ചൂടെ പൊട്ടി

' ഉടനേയില്ലേ?'

'ഇല്ല സാറേ. കൊലക്കുറ്റത്തിന് ജയിലിലാ. ഉടനേ വരില്ല'

പൊട്ടിയ ലടു അവൻ വേഗം തൂത്തു വൃത്തിയാക്കി